የቦርድ አባላት እና ዋና ሥራ አስፈጻሚ

ዶክተር ካትሪን ሀምሊን እና ዶክተር ሬግ ሀምሊን

መሥራቾች

ዶ/ር ካትሪን እና ዶ/ር ሬጅ ሀምሊን ከ65 ዓመታት በፊት ሚድዋይፎችን ለማሠልጠን ወደ ኢትዮጵያ የመጡ ቀዳሚ የፅንስ እና ማሕፀን ስፔሻሊስቶች ነበሩ። ካትሪን አውስትራሊያዊት ሲሆኑ ሬጅ ደግሞ የኒውዚላንድ ተወላጅ ነበሩ። ኢትዮጵያ እንደደረሱ ትኩረታቸው ወዲያውኑ በወሊድ ወቅት በሚፈጠር የፊስቱላ ሕመምተኞች ስቃይ ላይ አረፈ። ሀምሊኖች በጋራ በመሆን በፊስቱላ ቀዶ ሕክምና ዘመናዊ ዘዴን አዳብረዋል እንዲሁም እነዚህን ሴቶች ለመርዳት በኢትዮጵያ ውስጥ የሀምሊን ፊስቱላ ኢትዮጵያ ሆስፒታሎች አቋቁመዋል። እስካሁን ድረስ ሀምሊን ፊስቱላ ኢትዮጵያ ከ82,000 በላይ ሴቶችን ረድቷል። ሬጅ እ.አ.አ በ1993 (በ85 ዓመታቸው) እና ካትሪን እ.አ.አ በ2020 (በ96 ዓመታቸው) እስኪያርፉ ድረስ በአዲስ አበባ ሀምሊን ፊስቱላ ሆስፒታል ውስጥ ኖረዋል፣ ሠርተዋልም። ካትሪን ለኖቤል የሰላም ሽልማት ሁለት ጊዜ ታጭተው ነበር። በቀድሞ ጠቅላይ ሚኒስትር መለስ ዜናዊ የኢትዮጵያ የክብር ዜግነት ተሰጥቷቸዋል።

ዶ/ር መንግሥቱ አስናቀ

ሊቀመንበር

ደግሞ በማኅበረሰብ ጤና (Public Health) ከአዲስ አበባ ዩኒቨርሲቲ አግኝተዋል። በሥነ-ተዋልዶ ጤና፣ በመሠረታዊ ጤና አጠባበቅ፣ በሕፃናት ደኅንነት፣ በማኅበረሰብ ጤና አገልግሎት፣ በፕሮግራም አስተዳደር፣ በምርምር እና በክሊኒካዊ አገልግሎት አሰጣጥ ላይ ከ35 ዓመታት በላይ ልምድ ያላቸው የአጠቃላይ ጤና ስፔሻሊስት ናቸው። እ.አ.አ ከ2006-2009 የኢትዮጵያ የሕዝብ ጤና ጥበቃ ማኅበር (EPHA) ፕሬዝዳንት፣ እንዲሁም እ.አ.አ ከ2012-2016 የዓለም የሕዝብ ጤና ጥበቃ ማኅበራት ፌዴሬሽን (WFPHA) ምክትል ፕሬዝዳንት እና ፕሬዝዳንት በመሆን አገልግለዋል። ዶ/ር መንግሥቱ የፓዝፋይንደር ኢንተርናሽናል (Pathfinder International) በኢትዮጵያ የሀገር ውስጥ ዳይሬክተር ሆነው አገልግለዋል። ዶ/ር መንግሥቱ እ.አ.አ በ2015 የሀምሊን ፊስቱላ ኢትዮጵያ ቦርድ አባል ሆነው የተመረጡ ሲሆን እ.አ.አ በ2021 ደግሞ በሊቀመንበርነት ተሹመዋል።

ዶ/ር ይገረሙ አበበ አስማረ

ትረስቲ (ባለአደራ)

ዶክተር ይገረሙ በሕክምና ዲግሪ እና በውስጥ ደዌ ሕክምና የድኅረ-ምረቃ ዲግሪያቸውን ከአዲስ አበባ ዩኒቨርሲቲ አግኝተዋል። የድኅረ-ምረቃ ዲግሪያቸውን እስካጠናቀቁበት ጊዜ ድረስ በጠቅላላ ሐኪምነት ሠርተዋል። እ.አ.አ በ2006 ዶክተር ይገረሙ በኢትዮጵያ የክሊንተን ሄልዝ አክሰስ ኢኒሼቲቭ (CHAI) የሀገር ውስጥ ዳይሬክተር ሆነው በመሾም ኤችአይቪ/ኤድስን እና ሌሎች በመከላከል በቁጥጥር ሥር ሊሆኑ የሚችሉ በሽታዎችን ለመዋጋት የሚሠራ ሰፊ ፕሮግራም መርተዋል። በቅርቡ ከዚያ ኃላፊነታቸው በጡረታ ተገልለዋል። ዶ/ር ይገረሙ እ.አ.አ በ2015 የሀምሊን ፊስቱላ ኢትዮጵያ ቦርድ አባል ሆነው ተሹመዋል።

ዶ/ር ከበደ ወርቁ

ትረስቲ (ባለአደራ)

ዶክተር ከበደ ወርቁ የሕክምና ዲግሪያቸውን ከአዲስ አበባ ዩኒቨርሲቲ ያገኙ ሲሆን በአጠቃላይ ጤና ፕሮግራም እና ኦፕሬሽናል አመራር ላይ ጠንካራ ልምድ አላቸው። እርሳቸው የኢትዮጵያ ጤና ሚኒስትር ከፍተኛ አማካሪ ናቸው። ቀደም ሲል የኢትዮጵያ ጤና ሚኒስቴር ሚኒስትር ዴኤታ የነበሩ ሲሆን የኤድስ፣ የሳንባ ነቀርሳ እና የወባ በሽታን ለመከላከል የሚሠራው የዓለም አቀፍ ፈንድ (Global Fund) አባል፣ የዓለም አቀፍ ፈንድ የአፍሪካ ኮንስቲትዩንሲ ቢሮ ሰብሳቢ፣ የጥቁር አንበሳ ሆስፒታል ሰብሳቢ፣ የኢትዮጵያ ብሔራዊ የሥርዓተ-ምግብ ማስተባበሪያ ሰብሳቢ ሆነው አገልግለዋል። የኢትዮጵያን ብሔራዊ የኤችአይቪ መከላከያ እና መቆጣጠሪያ ፕሮግራም ልማት እና አፈጻጸም በበላይነትም መርተዋል። ዶ/ር ከበደ እ.አ.አ በ2021 የሀምሊን ፊስቱላ ኢትዮጵያ ቦርድ አባል ሆነው ተሹመዋል።

ዶ/ር ማህሌት ይገረሙ ገብረማርያም

ትረስቲ (ባለአደራ)

ዶክተር ማህሌት ይገረሙ ገብረማርያም በአዲስ አበባ ዩኒቨርሲቲ የጤና ሳይንስ ኮሌጅ የፅንስ እና ማሕፀን ሕክምና አማካሪ ስፔሻሊስት ናቸው። ቀደም ሲል የአዲስ አበባ ዩኒቨርሲቲ የሕክምና ትምህርት ቤት ዲን እና የጥቁር አንበሳ ሆስፒታል ዋና ሥራ አስፈጻሚ ነበሩ። ዶክተር ማህሌት ለሥነ-ተዋልዶ ጤና እና መብቶች ቁርጠኛ ተሟጋች እና ተመራማሪ ናቸው። ዶ/ር ማህሌት እ.አ.አ በ2021 የሀምሊን ፊስቱላ ኢትዮጵያ ቦርድ አባል ሆነው ተሹመዋል።

አቶ ጀማል ካሣው

ትረስቲ (ባለአደራ)

አቶ ጀማል ካሣው የኢንጀንደር ሄልዝ (EngenderHealth) የኢትዮጵያ ተወካይ ሲሆኑ በድርጅቱ ውስጥ ለ16 ዓመታት ሠርተዋል። ቀደም ሲል የካናዳ ሐኪሞች ለዕርዳታ እና እፎይታ (CPAR) የኤችአይቪ/ኤድስ ፕሮግራም አስተባባሪ እና የጤና እና ሥርዓተ-ምግብ አማካሪ የነበሩ ሲሆን፣ የሥነ-ተዋልዶ ጤና ማኅበራት ኮንሶርቲየም (CORHA) የቦርድ ሰብሳቢ በመሆን እና በበርካታ የሕዝብ ጤና ማኅበራት ቦርድ እና አማካሪ ምክር ቤቶች ውስጥ አገልግለዋል። እንዲሁም ለሥርዓተ-ጾታ እኩልነት እና ለሥነ-ተዋልዶ ጤና እና መብቶች ይሟገታሉ። አቶ ጀማል እ.አ.አ በ2021 የሀምሊን ፊስቱላ ኢትዮጵያ ቦርድ አባል ሆነው ተሹመዋል።

ወ/ሮ ታደለች ሽፈራው

ትረስቲ (ባለአደራ)

ወይዘሮ ታደለች ሽፈራው በኢትዮጵያ እናት ባንክ አ.ማ. የዓለም አቀፍ ባንክ አገልግሎት ዳይሬክተር ናቸው። እናት ባንክ አ.ማ. ሴቶችን በኢኮኖሚ ለማብቃት በ11 ባለራዕይ ሴቶች የተመሠረተ ነው። ቀደም ሲል ወ/ሮ ታደለች በኢትዮጵያ ውስጥ በባንክ እና በስጋት አስተዳደር (risk management) ዘርፎች ሠርተዋል። ወ/ሮ ታደለች ከአዲስ አበባ ዩኒቨርሲቲ በአካውንቲንግ የመጀመሪያ ዲግሪ እና ከሪፍት ቫሊ ዩኒቨርሲቲ በቢዝነስ አድሚኒስትሬሽን የማስተርስ ዲግሪ አላቸው። ወ/ሮ ታደለች እ.አ.አ በ2021 የሀምሊን ፊስቱላ ኢትዮጵያ ቦርድ አባል ሆነው ተሹመዋል።

ሰለሞን አበበ አዲስ

ዋና ሥራ አስኪያጅ

አቶ ሰለሞን አበበ አዲስ በዓለም አቀፍ ልማት እና በአጠቃላይ ጤና ዘርፍ ከ20 ዓመታት በላይ ልምድ ያላቸው ስኬታማ መሪ ናቸው። የሥራ ዘመናቸው በተባበሩት መንግሥታት ድርጅት፣ እንዲሁም በዓለም አቀፍ እና በአገር በቀል መንግሥታዊ ያልሆኑ ድርጅቶች ውስጥ ያሳለፉ ሲሆን፣ በማኅበረሰብ ልማት እና ጤና ላይ ተፅእኖ ፈጣሪ ፕሮግራሞችን መርተዋል። አቶ ሰለሞን እ.አ.አ በ2013 በሀርቫርድ የሕዝብ ጤና ትምህርት ቤት እና በዓለም አቀፍ ትምህርት ተቋም ከ10 የዓለም የእናቶች ጤና ወጣት ሻምፒዮናዎች አንዱ ሆነው ተሸልመዋል። ትምህርታዊ ዝግጅታቸውን በተመለከተ በሶሺዮሎጂ የመጀመሪያ ዲግሪ፣ ከዚያም በሜኔጅመንት እና በዓለም አቀፍ ግንኙነት የማስተርስ ዲግሪዎችን ያካትታል። በአሁኑ ወቅት የዶክትሬት ዲግሪ የምርምር ጽሑፋቸውን በማጠናቀቅ በልማት ጥናት የፒኤችዲ ዕጩ ናቸው። ከሙያዊ እና አካዳሚያዊ ስኬቶቹ በተጨማሪ አቶ ሰለሞን በአማርኛ እና በእንግሊዝኛ ቋንቋዎች ሁለት ልብ ወለድ መጽሐፎችን ያሳተሙ ደራሲ ናቸው።

ዶ/ር ቢኒያም ሲራክ ማሞ

የሕክምና ዳይሬክተር እና ቀዶ ሕክምና ሐኪም

ዶክተር ቢንያም በአዲስ አበባ ሀምሊን ፊስቱላ ሆስፒታል እና በመላ ኢትዮጵያ በሚገኙ አምስት የክልል ፊስቱላ ሆስፒታሎች የክሊኒካዊ ሥራዎችን በበላይነት ይከታተላሉ። ላለፉት 15 ዓመታት ዶክተር ቢኒያም ሲራክ በፅንስ፣ ማሕፀን እና ዩሮ-ጋይኔኮሎጂ (Urogynaecology) ስፔሻላይዝ በማድረግ በሐኪምነት በመስራት ባላቸው ልምድ የጋይኔኮሎጂ ትምህርትን በከፍተኛ ደረጃ እያስተማሩ ይገኛሉ። ጎበዝ የሕክምና ባለሙያ የሆኑት ዶ/ር ቢኒያም፣ በሀምሊን ፊስቱላ ኢትዮጵያ ለእናቶች በሚሰጠው ምርጥ በተግባር የተደገፈ እንክብካቤ አሰጣጥ ምክንያት ወደ ድርጅቱ ተስበዋል።

ዶ/ር አንተነህ ድራር

የሀምሊን ሚድዋይቭስ ኮሌጅ ዲን

ዶክተር አንተነህ የሀምሊን ሚድዋይቭስ ኮሌጅ ዲን ሲሆኑ ረዳት ፕሮፌሰር በመሆን ያገለግላሉ። በህዝብ ጤና የመጀመሪያ ዲግሪ፣ ከአጠቃላይ ጤና (ሥነ-ተዋልዶ ጤና) ማስተርስ ዲግሪ (M.Phil.)፣ ከሐረማያ ዩኒቨርሲቲ በከፍተኛ ትምህርት አሰጣጥ የድኅረ-ምረቃ ዲግሪ እና ከአዲስ አበባ ዩኒቨርሲቲ የፒኤችዲ ዲግሪ አላቸው። ልምዳቸው በከፍተኛ ትምህርት ዘርፍ ውስጥ መምህር፣ ረዳት ፕሮፌሰር፣ የትምህርት ክፍል ኃላፊ እና የፕሮግራም ዳይሬክተርነትን ጨምሮ ከ15 ዓመታት በላይ ተከታታይነት ያላቸው ኃላፊነቶችን ያካትታል።

ሚሥጥር አለባቸው

የፕሮግራም ዳይሬክተር

ሚሥጥር የሴቶችን አቅም በማሳደግ እና የወጣቶች አመራርነትን በማጎልበት ረገድ ከ15 ዓመታት በላይ ልምድ ያላት የልማት ባለሙያ እና የሥርዓተ-ጾታ እኩልነት ተከራካሪ ነች። በተለያዩ መንግስታዊ ባልሆኑ ድርጅቶች፣ ጥምረቶች እና በመንግስት የትምህርት ተቋማት ውስጥ ከፍተኛ የኃላፊነት ቦታዎችን ሰርታለች። ሚሥጥር በርካታ ሰፋፊ ፕሮጀክቶችን የመምራት ኃላፊነት የነበራት ሲሆን፤ ቴክኒካዊ ድጋፍ በመስጠት፣ በጀት በመቆጣጠር፣ ፕሮጀክቶችን በመከታተልና ተጠያቂነትን በማረጋገጥ ረገድ ከፍተኛ አስተዋጽኦ አበርክታለች። በተጨማሪም ከንዑስ እርዳታ ተቀባዮች ጋር በመስራት እንዲሁም በሴቶች እና በወጣቶች ላይ ትኩረት አድርገው ለሚሰሩ ድርጅቶች የአቅም ግንባታ ድጋፍ በማድረግ፣ ከመንግስት፣ ከለጋሾች እና ከሲቪል ማህበረሰብ ጋር በመተባበር ሰርታለች። ሚሥጥር በሥርዓተ-ጾታ ተኮር የፕሮግራም ዝግጅት፣ በስትራቴጂካዊ ዕቅድ፣ በፕሮፖዛል ቀረጻ፣ ተፅዕኖ በመፍጠር እና ከባለድርሻ አካላት ጋር ግንኙነት በመፍጠር ረገድ ከፍተኛ ብቃት አላት።

ዱጉማ ጌሞሳ

የፋይናንስ እና አስተዳደር ዳይሬክተር

ዱጉማ በምስራቅ አፍሪካ በሚገኙ መንግስታዊ ባልሆኑ ድርጅቶች ውስጥ ከሃያ ዓመታት በላይ የአመራር ልምድ ያለው ሲሆን፤ በፋይናንስ፣ በበጀት ዝግጅት፣ በእርዳታ አስተዳደር፣ በኦፕሬሽን እና በተቋማዊ አሰራር ስርዓቶች ላይ ከፍተኛ እውቀት አለው። ልምዱ ዓለም አቀፍ የልማት እና የአደጋ ጊዜ እርዳታ ድርጅቶችን የሚያካትት ሲሆን፣ በእነዚህ ተቋማት ውስጥ የሎጂስቲክስ፣ የግዢ፣ የሰው ሀብት እና የሂሳብ አያያዝ ስራዎችን በኃላፊነት መርቷል። ዱጉማ የሁለትዮሽ ተቋማትን ጨምሮ የዓለም አቀፍ ለጋሾችን ፈንድ በማስተዳደር ረገድ ጥልቅ እውቀት ያለው ሲሆን፤ የሕግ ተገዢነትን በማረጋገጥ፣ የውስጥ ፖሊሲዎችንና መመሪያዎችን በመቅረጽ፣ በታክስ እና በኦዲት ሂደቶች ላይ ከፍተኛ ብቃት አለው። ዱጉማ ከአዲስ አበባ ዩኒቨርሲቲ በመጀመሪያ ዲግሪ (BA) የተመረቀ ሲሆን፣ ከእንግሊዝ የማስተርስ ዲግሪ ደረጃ ጋር እኩል የሚታይ የ ACCA (Fellow Certified Chartered Accountant) አባል ነው።