የክሊኒካዊ ፕሮግራም ቡድናችን

ክሊኒካዊ ቡድን

ዶክተር ቢኒያም ሲራክ

የሀምሊን ፊስቱላ ኢትዮጵያ የሕክምና ዳይሬክተር እና የቀዶ ሕክምና ሐኪም

ዶክተር ቢኒያም ሲራክ በአዲስ አበባ ሀምሊን ፊስቱላ ሆስፒታል የሕክምና ዳይሬክተር ሲሆኑ በዚሁ ሆስፒታል የዩሮ-ጋይኔኮሎጂ (Urogynaecology) ረዳት ፕሮፌሰር ናቸው። ዶ/ር ቢኒያም በሀምሊን ፊስቱላ ኢትዮጵያ ውስጥ ለመሥራት የወሰኑት ዶክተር ካትሪን ሀምሊን በኢትዮጵያ ውስጥ በጣም ተጋላጭ የሆኑ ሴቶች የሚገባቸውን ሕይወት የሚቀይር የእናቶች ጤና እንክብካቤ እንዲያገኙ ባሳዩት ከራስ ወዳድነት ነጻ የሆነ ቁርጠኝነት ምክንያት ነው። ዶ/ር ቢኒያም «ሀምሊን ሁለንተናዊ፣ ሁሉን አቀፍ እና ታካሚን ማዕከል ባደረገ እንክብካቤው የላቀ ማዕከል ነው። የዶ/ር ካትሪን እና ዶ/ር ሬጅ ሀምሊን ህልም ፊስቱላን ከኢትዮጵያ ማጥፋት ነበር። የሀምሊኖችን ሥራ ከመቀጠል በላይ የምወደው ምንም ነገር የለም። ለሁለቱም ያለኝን ምስጋና ለመግለጽ ቃላት አይበቁኝም» ብለዋል።

ሲስተር ትርጋለም

የአዲስ አበባ ሀምሊን ፊስቱላ ሆስፒታል ዋና ነርስ (Matron)

ሲስተር ትርጋለም በየነ በአዲስ አበባ ሀምሊን ፊስቱላ ሆስፒታል ዋና ነርስ ሲሆኑ ከሰኔ 8 ቀን 2000 ጀምሮ በሀምሊን ፊስቱላ ኢትዮጵያ ውስጥ እየሠሩ ይገኛሉ። ሲ/ር ትርጋለም ወደ ሀምሊን ፊስቱላ ኢትዮጵያ ከመምጣታቸው በፊት በጥቁር አንበሳ ሆስፒታል እና በአዲስ አበባ ከሚገኙ የግል ሆስፒታሎች በአንዱ ውስጥ ሠርተዋል። ሲ/ር ትርጋለም የመጀመሪያ ዲግሪያቸውን በነርሲንግ ከአዲስ አበባ ዩኒቨርሲቲ ቅዱስ ጳውሎስ ነርሲንግ ትምህርት ቤት ተመርቀዋል። ሲ/ር ትርጋለም ከፊስቱላ፣ ከእናቶች እና ከአዲስ ለተወለዱ ሕፃናት ሞት የጸዳች ኢትዮጵያን ወደፊት ማየት እና ሁሉም የኢትዮጵያ ሴቶች በሠለጠኑ ሚድዋፎች እጅ አስተማማኝ የወሊድ አገልግሎት እንዲያገኙ ይመኛሉ።

ወ/ሮ ማሚቱ ጋሼ

የአዲስ አበባ ሀምሊን ፊስቱላ ሆስፒታል ቀዶ ሕክምና ሐኪም

ወ/ሮ ማሚቱ ጋሼ የሀምሊን ፊስቱላ ኢትዮጵያ ረጅም ዘመን ያገለገሉ የፊስቱላ ቀዶ ሕክምና ሐኪም ናቸው። የቀድሞ ታካሚ የነበሩት ወ/ሮ ማሚቱ በዶ/ር ካትሪን እና ዶ/ር ሬጅ ሀምሊን ሥር ሥልጠና ወስደዋል። በ1989 እ.አ.አ ከዶ/ር ሬጅ እና ዶ/ር ካትሪን ሀምሊን ጋር በመሆን በለንደን ከሚገኘው ከሮያል ኮሌጅ ኦፍ ሰርጀን በቀዶ ሕክምና ሥራ የወርቅ ሜዳሊያ አሸንፈዋል። በ2000 እ.አ.አ በፊስቱላ ሕክምና ዙሪያ የሀምሊን የክባካቤ ሞዴልን ለማሳየት በዓለም ዙሪያ ጉዞ አድርገዋል። ወ/ሮ ማሚቱ በአዲስ አበባ ሀምሊን ፊስቱላ ሆስፒታል ከሌሎች ቀዶ ሕክምና ሐኪሞች ጋር በመሆን ሥራቸውን መሥራታቸውን ቀጥለዋል።

ዶ/ር በዕደ ለማ

የአዲስ አበባ ሀምሊን ፊስቱላ ሆስፒታል ቀዶ ሕክምና ሐኪም

ዶክተር በዕደ ለማ የዩሮሎጂ ባለሙያ እና የኢትዮጵያ የዩሮሎጂ ማኅበር ፕሬዝዳንት ሲሆኑ፣ ቀደም ሲል በጥቁር አንበሳ ሆስፒታል ከፍተኛ ቀዶ ሕክምና ሐኪም ነበሩ። እንዲሁም በአዲስ አበባ ዩኒቨርሲቲ ሆስፒታል የሕክምና ትምህርት ቤት የቀዶ ሕክምና ክፍል ኃላፊ እና ፕሮፌሰር ነበሩ።

ዶክተር መላኩ አብርሃ

የመቀሌ ሀምሊን ፊስቱላ ሆስፒታል የሕክምና ዳይሬክተር እና የቀዶ ሕክምና ሐኪም

ዶክተር መላኩ አብርሃ የ30 ዓመታት ክሊኒካዊ ልምድ ያላቸው ከፍተኛ የፅንስ እና ማሕፀን ስፔሻሊስት እንዲሁም የዩሮ-ጋይኔኮሎጂ ባለሙያ ናቸው። ዶክተር መላኩ ከ18 ዓመት በላይ የሀምሊን ፊስቱላ ኢትዮጵያ የክሊኒካዊ ቡድን አባል ናቸው። በ2017 እ.አ.አ. በመቀሌ ዩኒቨርሲቲ በዩሮ-ጋይኔኮሎጂ ከፍተኛ የፌሎውሺፕ ሥልጠና ወስደዋል። በሰሜን ኢትዮጵያ የሚገኘውን የመቀሌ ሀምሊን ፊስቱላ ሆስፒታልን በኃላፊነት ይመራሉ።

ዶክተር ፍስሐ አበበ

የመቀሌ ሀምሊን ፊስቱላ ሆስፒታል የፅንስ እና ማሕፀን ስፔሻሊስት

ዶክተር ፍስሐ ሀምሊን ፊስቱላ ኢትዮጵያን የተቀላቀሉት በ2025 እ.ኤ.አ ነው። ዓላማቸው ፊስቱላን ማስቆም እና ሀምሊን ፊስቱላ ኢትዮጵያን ለሴቶች የዳሌ ጤና (pelvic health) እና የመልሶ ግንባታ እንክብካቤ ቀዳሚ ተቋም እንዲሆን ማድረግ ነው። ዶክተር ፍስሐ ከሀሮማያ ዩኒቨርሲቲ የተመረቁ ሲሆን ቀደም ሲል በመቀሌ አጠቃላይ ሆስፒታል በፅንስ እና ማሕፀን ስፔሻሊስት በመሆን ሠርተዋል። ዕድል ያጡ ሴቶችን ሕይወት ለማሻሻል እና ጥራት ያለው የፊስቱላ እንክብካቤ ተደራሽነትን ለመጨመር፣ ዶክተር ፍስሐ አበበ የንኡስ ስፔሻሊቲ ሥልጠናቸውን ይበልጥ ለማሳደግ ቁርጠኛ ናቸው።

ዶክተር ትዕግሥት ተስፋ

የአዲስ አበባ ሀምሊን ፊስቱላ ሆስፒታል የፅንስ እና ማሕፀን ስፔሻሊስት

ዶክተር ትዕግሥት ሀምሊን ፊስቱላ ኢትዮጵያን የተቀላቀሉት በ2023 እ.ኤ.አ ነው። ህልማቸው ፊስቱላን ማጥፋት እና ሀምሊን ፊስቱላ ኢትዮጵያን የሴቶች የዳሌ ሕክምና (pelvic medicine) ምርጥ ማዕከል ማድረግ ነው። ዶክተር ትዕግሥት ተስፋ ከአዲስ አበባ ዩኒቨርሲቲ በ2022 እ.ኤ.አ የተመረቁ ሲሆን ቀደም ሲል በአርሲ ዩኒቨርሲቲ አሰላ ማስተማሪያ እና ሪፈራል ሆስፒታል የፅንስ እና ማሕፀን ሕክምና ረዳት ፕሮፌሰር በመሆን ሠርተዋል።

ዶክተር ወንዱ በላይነህ

የይርጋለም ሀምሊን ፊስቱላ ሆስፒታል የፅንስ እና ማሕፀን ስፔሻሊስት

ዶክተር ወንዱ በላይነህ ደጊና በይርጋለም ሀምሊን ፊስቱላ ሆስፒታል የፊስቱላ ቀዶ ሕክምና ሐኪም ሲሆኑ፣ በሀምሊን ፊስቱላ ኢትዮጵያ ሥራቸውን የጀመሩት በሚያዝያ 2022 እ.አ.አ. ነው። ሀምሊንን ከመቀላቀላቸው በፊት ዶክተር ወንዱ በተለያዩ የኦሮሚያ ክልሎች የሠሩ ሲሆን በሀዋሳ ዩኒቨርሲቲ ተባባሪ ፕሮፌሰር ሆነው አገልግለዋል። ትምህርታቸውን በሀሮማያ ዩኒቨርሲቲ የተከታተሉ ሲሆን ዶክተር ወንዱ የንኡስ ስፔሻሊቲ ሥልጠናቸውን ለማጠናቀቅ እና ተጨማሪ የምርምር ሥራዎችን ለመቀጠል በጉጉት ይጠብቃሉ።

ዶክተር ስራቴ ነጋሽ

የይርጋለም ሀምሊን ፊስቱላ ሆስፒታል የፅንስ እና ማሕፀን ስፔሻሊስት

ዶክተር ስራቴ ነጋሽ በይርጋለም ሀምሊን ፊስቱላ ሆስፒታል የፊስቱላ ቀዶ ሕክምና ሐኪም ሲሆኑ፣ እ.አ.አ. ከ2023 ጀምሮ በሀምሊን ፊስቱላ ኢትዮጵያ በማገልገል ላይ ይገኛሉ። በቅዱስ ጳውሎስ ሆስፒታል ሚሊኒየም ሕክምና ኮሌጅ በፅንስ እና ማሕፀን ሕክምና የስፔሻሊቲ ሥልጠናቸውን ያጠናቀቁ ሲሆን፣ በይርጋለም ሕክምና ኮሌጅ የፅንስ እና ማሕፀን ሕክምና ረዳት ፕሮፌሰር ሆነው አገልግለዋል። ዶክተር ስራቴ ነጋሽ ጥራት ያለው የፊስቱላ እንክብካቤ ተደራሽነትን ለማስፋፋት እና ችግር ላይ ያሉ ሴቶችን ሕይወት ለማሻሻል የንኡስ ስፔሻሊቲ ሥልጠናቸውን ለማሳደግ ቁርጠኛ ናቸው።

ዶክተር ቢተው አበበ

የአዲስ አበባ ሀምሊን ፊስቱላ ሆስፒታል ዩሮ-ጋይኔኮሎጂስትነት እና የቀዶ ሕክምና ሐኪም

ዶክተር ቢተው አበበ በአዲስ አበባ ሀምሊን ፊስቱላ ሆስፒታል ዩሮ-ጋይኔኮሎጂስትነት እና የቀዶ ሕክምና ሐኪም ናቸው፡፡ ከዚህ በፊት በባሕር ዳር ሀምሊን ፊስቱላ ሆስፒታል የሕክምና ዳይሬክተር የነበሩ ሲሆን ሀምሊን ፊስቱላ ኢትዮጵያን እ.አ.አ. በ2009 በመቀላቀል በፊስቱላ ቀዶ ሕክምና ሐኪምነት እና በዩሮ-ጋይኔኮሎጂስትነት ሠርተዋል። ዶክተር ቢተው ሕክምናን በአዲስ አበባ ዩኒቨርሲቲ የተማሩ ሲሆን በፅንስ እና ማሕፀን ሕክምና ስፔሻላይዝ አድርገዋል። ዶክተር ቢተው ቀደም ሲል በጥቁር አንበሳ ሆስፒታል እና በፈለገ ሕይወት ሪፈራል ማስተማሪያ ሆስፒታል ሠርተዋል። እ.አ.አ. በ2019 በመቀሌ ዩኒቨርሲቲ በዩሮ-ጋይኔኮሎጂ ከፍተኛ የፌሎውሺፕ ሥልጠና አጠናቅቀዋል።

ዶክተር ለታ ገደፋ አራርሳ

የሐረር ሀምሊን ፊስቱላ ሆስፒታል የሕክምና ዳይሬክተር እና ቀዶ ሕክምና ሐኪም

በዶክተር ሬጅ እና ዶክተር ካትሪን ሀምሊን ሥራ የተነሳሱት ዶክተር ለታ፣ እ.አ.አ. በመስከረም 2020 በሐረር ሀምሊን ፊስቱላ ሆስፒታል በፊስቱላ ቀዶ ሕክምና ሐኪምነት መሥራት ጀመሩ። ዶክተር ለታ በአሁኑ ጊዜ እንደ ጾታዊ ጥቃት፣ የማሕፀን መውጣት (Pelvic Organ Prolapse) እና የሴት ብልት ግርዛት ባሉ የምርምር ርዕሶች ላይ እየሠሩ ይገኛሉ። ሀምሊን ፊስቱላ ኢትዮጵያን ከመቀላቀላቸው በፊት ዶክተር ለታ በጀጎል ሆስፒታል እና በሀሮማያ ዩኒቨርሲቲ ሆስፒታል ሠርተዋል። በጎንደር ዩኒቨርሲቲ የተማሩ ሲሆን ከጀርመን የሕክምና ቡድኖች ጋር በፊስቱላ እና በማሕፀን መውጣት ሕክምና ዙሪያ የሠለጠኑ ናቸው።

ዶክተር ዘሃራ ሱአሊህ

የመቱ ሀምሊን ፊስቱላ ሆስፒታል የሕክምና ዳይሬክተር እና ቀዶ ሕክምና ሐኪም

ዶክተር ዘሃራ ሱአሊህ በመቱ ሀምሊን ፊስቱላ ሆስፒታል ቀዶ ሕክምና ሐኪም እና የዩሮ-ጋይኔኮሎጂስት ናቸው። የፅንስ እና ማሕፀን ስፔሻሊስት የሆኑት ዶክተር ዘሃራ፣ የሀምሊን ክሊኒካዊ ቡድን አባል ናቸው። ቀደም ሲል በመቱ ካርል ሆስፒታል ሲሠሩ ከቆዩ በኋላ እ.አ.አ. ጥር 2015 ሀምሊን ፊስቱላ ኢትዮጵያን ተቀላቅለዋል። ከጎንደር ዩኒቨርሲቲ በፅንስ እና ማሕፀን ሕክምና ስፔሻሊቲ ተመርቀዋል። በመቀሌ ዩኒቨርሲቲ በዩሮ-ጋይኔኮሎጂ ከፍተኛ የፌሎውሺፕ ሥልጠና አጠናቅቀዋል።

የመከላከያ ሥራ ቡድን

ዶክተር አንተነህ ድራር

የሀምሊን ሚድዋይቭስ ኮሌጅ ዲን

ዶክተር አንተነህ የሀምሊን ሚድዋይቭስ ኮሌጅ ዲን ሲሆኑ ረዳት ፕሮፌሰር በመሆን ያገለግላሉ። በህዝብ ጤና የመጀመሪያ ዲግሪ፣ ከአጠቃላይ ጤና (ሥነ-ተዋልዶ ጤና) ማስተርስ ዲግሪ (M.Phil.)፣ ከሐረማያ ዩኒቨርሲቲ በከፍተኛ ትምህርት አሰጣጥ የድኅረ-ምረቃ ዲግሪ እና ከአዲስ አበባ ዩኒቨርሲቲ የፒኤችዲ ዲግሪ አላቸው። ልምዳቸው በከፍተኛ ትምህርት ዘርፍ ውስጥ መምህር፣ ረዳት ፕሮፌሰር፣ የትምህርት ክፍል ኃላፊ እና የፕሮግራም ዳይሬክተርነትን ጨምሮ ከ15 ዓመታት በላይ ተከታታይነት ያላቸው ኃላፊነቶችን ያካትታል።

ሲስተር ማሪት ለገሰ

የሀምሊን ሚድዋይቭስ ኮሌጅ ምክትል ዲን

ሲስተር ማሪት እ.አ.አ. ከ2009 ጀምሮ በሀምሊን ፊስቱላ ኢትዮጵያ ውስጥ እየሠሩ ይገኛሉ። ሲስተር ማሪት በጠቅላላ ነርሲንግ ዲፕሎማ፣ ከአዲስ አበባ ዩኒቨርሲቲ በሚድዋይፈሪ የመጀመሪያ ዲግሪ፣ ከአልፋ ዩኒቨርሲቲ በማኔጅመንት የመጀመሪያ ዲግሪ እና ከአዲስ አበባ ዩኒቨርሲቲ በእናቶች እና ሥነ-ተዋልዶ ጤና የማስተርስ ዲግሪ አላቸው። ሀምሊንን ከመቀላቀላቸው በፊት ሲስተር ማሪት ለስድስት ዓመታት በነርስነት ሠርተዋል፤ ከዚያም በኋላ ለ13 ዓመታት በኢትዮጵያ ገጠራማ በሆኑ አካባቢዎች ሚድዋይፍ በመሆን ሠርተዋል። ሲስተር ማሪት በሀምሊን ሚድዋይቭስ ኮሌጅ ጥራት ያለው ሥልጠና እንዲሰጥ ሁሉንም አካዳሚያዊ እንቅስቃሴዎች ያቅዳሉ፣ ያስተባብራሉ እንዲሁም ይከታተላሉ። ሲስተር ማሪት በ2025፣ የኢትዮጵያ ሚድዋይቭስ ማህበር በአዲስ አበባ በተካሄደው 34ኛው ዓለም አቀፍ የአዋላጆች ቀን ክብረ በዓል ላይ ባበረከቱት አስተዋጽኦ የተከበረ የህይወት ዘመን ስኬት ሽልማት እና እውቅና አግኝተዋል።

የተሀድሶ ቡድን

ወይዘሮ ትዕግሥት አማን

የተሀድሶ እና መልሶ መቋቋም ኃላፊ

ወ/ሮ ትዕግሥት ከአዲስ አበባ ዩኒቨርሲቲ በትምህርት ዕቅድ እና አስተዳደር የመጀመሪያ ዲግሪ እንዲሁም በትምህርት አመራር እና አስተዳደር የማስተርስ ዲግሪ አላቸው። በሰብአዊ አገልግሎት ዘርፍ የ24 ዓመታት ልምድ አላቸው። እ.አ.አ ከ2009 ጀምሮ በሀምሊን ፊስቱላ ኢትዮጵያ በዐዋቂዎች እና መደበኛ ባልሆነ ትምህርት አስተባባሪነት እና የመማር ማስተባበሪያነት ሠርተዋል። በተሀድሶ እና መልሶ መቋቋም ኃላፊነታቸው ሰልጣኞች በራሳቸው እንዲተማመኑ፣ በማኅበረሰባቸው ውስጥ አስተዋፅኦ እንዲያደርጉ እና ከድህነት በመውጣት ራሳቸውን እንዲችሉ አቅም ሲፈጥሩላቸው ቆይተዋል። ሀምሊን ፊስቱላ ኢትዮጵያን ከመቀላቀላቸው በፊት ወ/ሮ ትዕግሥት ከቅድመ መደበኛ እስከ ኮሌጅ ባሉ የተለያዩ የግል እና የመንግሥት የትምህርት ተቋማት ውስጥ በመምህርነት እና በአሠልጣኝነት ሠርተዋል።