የመከላከል መርሐ ግብር

«አዋላጅነት መፍትሔው ይመስለኛል – በሁሉም የኢትዮጵያ መንደሮች ውስጥ በአግባቡ የሠለጠነች አዋላጅ ማሰማራት በወሊድ ምክንያት የሚከሰት ፊስቱላ በቅርብ ጊዜ ውስጥ ለማስወገድ ያስችላል።»

ዶ/ር ካትሪን ሃምሊን

የፊስቱላ ችግርን ማስወገድ – የሃምሊን አዋላጆች

---

የሃምሊን ፊስቱላ ኢትዮጵያ በወሊድ ምክንያት የሚከሰት የፊስቱላ በሽታን ለማስወገድ ያለውን ራዕይ ለማሳካት በኢትዮጵያ ገጠራማ አካባቢዎች ተጨማሪ በሙያው የተካኑ አዋላጆች ያስፈልጉናል። እነዚህ አዋላጆች በእርግዝና ምክንያት የሚከሰቱ ችግሮችን ለይቶ በማወቅ መሠረታዊ የሆኑትን የፊስቱላ ምክንያቶች መከላከል ይችላሉ። ለዚህም ሲባል በ1999 ዶ/ር ካትሪን ሃምሊን የሃምሊን ሚድዋይፍ ኮሌጅን አቋቁመዋል። ይህም ኮሌጅ በመላው ኢትዮጵያ ጥራት ያለው የጤና አገልግሎት ተደራሽነትን ለማሳደግ ታስቦ የተቋቋመ ነው።

የቅርብ ጊዜውን የእኛን ሥራ ሪፖርት ለማንበብ እዚህ ላይ ጠቅ ያድርጉ።.

የሃምሊን ኮሌጅ ኦፍ ሚድዋይፍስ

---

የማገገሚያ እና የመልሶ ማቋቋሚያ ማዕከላችን፣ በደስታ መንደር ግቢ ውስጥ ይገኛል።

ከ1999 ዓ.ም. ጀምሮ ከሃምሊን አዋላጆች ከኮሌጅ 294 አዋላጆች ተመርቀዋል። እያንዳንዱ ሠልጣኝ አራት ዓመት ሰልጥኖ በአዋላጅነት ሳይንስ የመጀመሪያ ዲግሪ ያገኙ ሲሆን ከዚያ በኋላ ቢያንስ ለአራት ዓመታት በሃምሊን ውስጥ በአዋላጅነት ለመሥራት ቃል ገብቷል። እነዚህ ተመራቂቆች ክህሎቶቻቸው እጅግ በጣም አስፈላጊ በሆኑባቸው በሃምሊን በሚደገፉ በጤና ማዕከላት ውስጥ ለመሥራትም ወደ ልዩ ልዩ አካባቢዎች ይሰማራሉ።

ሥርዓተ ትምህርቱ ሠልጣኝ ተማሪዎች ከመመረቃቸው በፊት ቢያንስ 40 የወሊድ ተግባራዊ ልምምዶችን እንዲያደርጉና እንዲሠለጥኑ የሚያስገድድ ቅድመ ሁኔታ አለው። በተጨማሪም እነዚህ ሠልጣኞች የዓለም አቀፍ የአዋላጆች ኮንፌድሬሽንን ጥብቅ ደረጃዎችን ማሟላት አለባቸው። እያንዳንዱ ሠልጣኝ በዓለም ዙሪያ በሚገኙ ለጋሾች የሚደገፍ ሙሉ የሆነ የሃምሊን ስኮላርሺፕ ያገኛል።

የሃምሊን አዋላጆች ኮሌጅ የሃምሊን ፊስቱላ ኢትዮጵያ ራዕይ መሠረት ናቸው። በኢትዮጵያ ውስጥ ያሉ ሴቶች ወቅታዊ እና ጥራቱን የጠበቀ የእናቶች የጤና እንክብካቤ ተጠቃሚ እንዲሆኑ በማድረግ የፅንስ ፌስቱላ ችግርን መከላከል የሃምሊን ፊስቱላ ኢትዮጵያ ራዕይ ነው።

በ2016 ዓ.ም. ዶ/ር አንተነህ ዲራርን (ረዳት ፕሮፌሰር) የሃምሊን ኮሌጅ አዋላጅ ትምህርት ክፍል ዲን በመሆን የተሾሙ ሲሆን ዶ/ር አንተነህ በማኅበራዊ ጤና ሳይንስ የመጀመሪያ ዲግሪ፣ በሥነ ተዋልዶ እና የማኅበረሰብ ጤና ማስተር ኦፍ ፊሎሶፊ ዲግሪ ፣ በከፍተኛ ትምህርት ሥልጠና ከሀረሚያ ዩኒቨርስቲ የድኅረ ምረቃ ዲፕሎማ እንዲሁም ከአዲስ አበባ ዩኒቨርሲቲ የዶክተሬት ዲግሪ አላቸው።

በ2017 ዓ.ም. የሃምሊን ሚድዋይፍስ አሉሚናይ ኔትወርክ (HMAN) የተባለ ለሃምሊን ሚድዋይፍ ኮሌጅ ተመራቂዎች ቀጣይነት ያለው ድጋፍ እና ሥልጠና ለመስጠት የሚያስችል ኔትወርክ ተቋቁሟል።

የሃምሊን ድኅረ ምረቃ መርሐ ግብር (በአዋላጅነት ሚድዋይፈር የማስተርስ ዲግሪ)

---

የሃምሊን ፊስቱላ ኢትዮጵያ አዲሱ የድኅረ ምረቃ መርሐግብር በሃምሊን ኮሌጅ ኦፍ ሚድዋይፍ የሳይንስ ዲግሪ በክሊኒካል አዋላጅነት ፕሮግራም በጥሩ ሁኔታ እየተካሄደ ይገኛል። ይህ በማስተርስ ዲግሪ ደረጃ የሚሰጠው ትምህርት በፅንስ፣ በማሕፀን እና የአራስ ሕፃናት እንክብካቤ ላይ የሚያተኩር ነው።

ይህ የድኅረ ምረቃ (ማስተርስ) ፕሮግራም 55 ክሬዲት ሀውር የፅንስ ሐሳብ ትምህርት እና 582 ሰዓታት የክሊኒካዊ ልምምድ መርሐ ግብርን ያካተተ ሲሆን በአጠቃላይ ይህ መርሐ ግብር በሁለት ዓመት ተኩል ጊዜ ውስጥ የሚጠናቀቅ ነው።

የሃምሊን የማስተርስ ዲግሪ ሚድዋይፈሪ ፕሮግራም የሚያካትታቸው ቁልፍ ጉዳዮች የሚከተሉት ናቸው።

• በእናቶች እና በአራሶች ላይ የሚከሰቱትን የፊስቱላ እና የወሊድ ጊዜ የሞት መንስኤዎችን መቀነስ
• ደኅንነቱ እና ጥራቱን የጤና አገልግሎትን በብዛት እና በጥራት መጨመር
• ከወሊድ በኋላ ጥራት ያለው የአራስ እናት እና የሕፃን ጤና እንክብካቤን ማረጋገጥ
• በሃምሊን አዋላጆች አማካኝነት የእርግዝና/የወሊድ ችግሮችን ቀደም ብሎ መለየት እና በውጤቱም በወሊድ ወቅት ወደ ሃምሊን ሆስፒታሎች የድንገተኛ ጊዜ የወሊድ አገልግሎት የሚደረጉትን ሪፈራሎች መቀነስ።

የሃምሊን የማስተርስ ዲግሪ ተመራቂዎች በጤና ክሊኒኮች ውስጥ የወሊድ ቀዶ ጥገና ማድረግ ይችላሉ። በዚህም በገጠሪቱ ኢትዮጵያ የእናቶችን ጤና በማሻሻል ገንቢ የሆነ አስተዋፅኦ ያደርጋሉ። ለቀጣይ የአዋላጅነት ትምህርትም ጠንካራ መሠረት ይጥላል።

የቪክቶሪያ የማዋለድ ምስለ ትምህርት (ሲሙሌሽን)

---

በዚህ ሥልጠና ውስጥ ዘመናዊ የሆነ የቪክቶሪያ S22-የምጥናየማዋለድምስለትምህርት (ሲሙሌሽን) ሥልጠናይሰጣል

የቪክቶሪያ ሞዴል የተሟሉ የፊዚዮሎጂ ልኬቶችን የሚያሳይ ሲሆን እነዚህን ሞደሎች በመጠቀም ተማሪዎች የድንገተኛ ወሊድ ተግባራትን ማከናወን፣ በቀዶ ጥገና ወቅት እና ከቀዶ ጥገና በኋላ የሚከሰቱ ችግሮችን ማከም እንዲሁም የአራስ ሕፃናት እንክብካቤ ማድረግን ይለማመዳሉ። የቪክቶሪያ ሞደል ሥልጠናዎች እና ግብረመልሶች በላፕቶፕ ከፍተኛ ቁጥጥር የሚደረግባቸው ሲሆን በዚህ ሂደት ውስጥ ሠልጣኞች በእውናዊ በማዋለድ ሂደት ውስጥ የሚሠሯቸውን ተግባራት በምስለ ትምህርት (ሲሙሌሽን) አማካኝነት እንዲያከናውኑ ዕድሉን ይፈጥርላቸዋል።

የሃምሊን አዋላጆች የጤና ማዕከላት እና የሃምሊን አዋላጆች ተፅእኖ

---

የሃምሊን አዋላጆች በዘርፉ ላይ የሚያሳድሩት ተፅእኖ በእርግጥም አስደናቂ ነው ማለት ይቻላል። አንዲት በሃምሊን በሚደገፍ የአዋላጅ ጤና ጣቢያ የደረሰች የሃምሊን ባለሙያ በአካባቢ እንደደረሰች አዳዲስ የወሊድ ፊስቱላ ሪፖርቶች በመንደሩ እና አቅራቢያው ባሉ መንደሮች ወደ ዜሮ ደረጃ ይቀንሳሉ። የሃምሊን አዋላጆች በየዓመቱ የፊስቱላ ጉዳቶችን ለመከላከል እና በመቶዎች የሚቆጠሩ እናቶችን እና ሕፃናትን ሕይወት ለመታደግ ወሳኝ ሚና ይጫወታሉ።

እነዚህ የሠለጠኑ ባለሙያዎች በመላው ኢትዮጵያ በሚገኙ ከ90 በላይ በሆኑ የሃምሊን ድጋፍ በሚደረግላቸው የአዋላጅነት ጤና ማዕከላት ውስጥ የሚገኙ ሲሆን፣ እጅግ በጣም አስፈላጊ የሆኑ ዕውቀቶችን በማካፈል፣ እምነት የሚጣልባቸውን አውታረ መረቦችን በመዘርጋት እንዲሁም በአጠቃላይ ማኅበረሰቡን በሚያስደንቅ ሁኔታ በመለወጥ ሴቶችን ይደግፋሉ፣ ይንከባከባሉ እንዲሁም ያበረታታሉ።

ሃምሊን በገጠሪቱ ኢትዮጵያ ውስጥ ለሴቶችና እናቶች ጤና መሻሻል ከግሪንላምፕጋር በመተባበር በርካታ ተግባራትን አከናውኗል። የግሪንላምፕ ሶላር ሱትኬዝ ኢንሼቲቭ ዘላቂ የሆነ እና ንጹሕ የሶላር ኃይልን ለሃምሊን አዋላጆች በየሚሠሩበት የጤና ማዕከላት በማቅረብ የኃይል እጥረት ለሚከሰትባቸው የጤና ማዕከላት አስተማማኝ ኃይል እና ብርሃን በማቅረብ ከፍተኛውን አስተዋፅኦ ያደርጋል። 

የነዚህ የጤና ባለሙያዎች አስፈላጊነት እንዲሁ በቀላል የሚታይ አይደለም። በዓለም ዙሪያ በየቀኑ ከ700 በላይ ሴቶች በእርግዝና እና በወሊድ ምክንያት በሚከሰቱ ችግሮች ምክንያት ይሞታሉ። በኢትዮጵያ ውስጥ ከ100,000 ወሊዶች ውስጥ 195ዱ የእናቶችን ሞት ያስከትላሉ። ይሁን እንጂ በወሊድ ወቅት ብሎ ባለሙያ አዋላጆች ቢኖሩ ኖሮ ይህ ሞት እስከ 67% በሚሆን ደረጃ ሊቀንስ ይችል እንደነበረ ዓለም አቀፍ የአዋላጆች ኮንፌዴሬሽን አስታውቋል።

በኢትዮጵያ የገጠር ማኅበረሰቦች ውስጥ የሃምሊን አዋላጆች ቁጥር እየጨመረ በመምጣቱ ምክንያት ሴቶች በማሕፀን መዘጋት ምክንያት በምጥ ለቀናት እንዳይሰቃዩ ወሳኝ አስተዋፅኦ አበርክተዋል። አንድም ሴት በወሊድ ወቅት በሚደርስባት የፊስቱላ ጉዳት ምክንያት ለሕመምና መገለል እንዲሁም ለአካላዊ ስቃይ ልትዳረግ አይገባም። ለዚህም እናቶች የሃምሊን አዋላጆችን ሙያዊ ድጋፍ በማግኘት ከዚህ ስቃይ እራሳቸውን መጠበቅ ይችላሉ።